Хоккейн 2025 оны "Division III” ДАШТ Мексик Улсад өнгөрсөн сарын 27 -ны өдөр эхэлсэн. Тус ДАШТ-д Монгол Улс, БНАСАУ, Мексик, Хонконг, Филиппин, Сингапурын шигшээ багууд өрсөлдөж байгаа. Монгол Улсын гавьяат дасгалжуулагч А.Мэргэн, гавьяат тамирчин Н.Мишигсүрэн,Г. Отгонбаяр нараар удирдуулсан манай баг тамирчид Филиппин Улсын шигшээг 13:7-оор, Сингапурыг 11:1-ийн харьцаатай ялсан.

     Харин Хойд Солонгос буюу БНАСАУ-ын шигшээд 7:3-ын харьцаатай ялагдсан. Улмаар энэ өдөр тэмцээнийг зохион байгуулагч Мексик Улсын шигшээ баг тамирчидтай тун өрсөлдөөнтэй, ширүүн тоглолтын эцэст 7:6-ын харьцаатай ялагдал хүлээлээ. Манай баг тамирчид маргааш хүрэл медалийн төлөө орон нутгийн цагаар (Мексик)16.30 минутад Хонконгийн шигшээ багтай хүч сорино.