Б.Ганхайч “Душанбе-2025” гранд сламаас алт, Б.Эрдэнэбаяр мөнгөн медаль хүртлээ

2025-05-03, 540

Жүдо бөхийн “Душанбе-2025” их дуулгын тэмцээнд Тажикстаны Душанбе хотод хоёр дахь өдрөө үргэлжилж байна. Эмэгтэйчүүдийн 63 кг-ыг жингийн алтан медалийг Ази тивийн аварга, ОУХМ Болдын Ганхайч авлаа. Тэрбээр “В” хэсгийг тэргүүлэн нэгдүгээр тойрогт гоц мөргөн ялалт авсан. Хоёрдугаар тойрогт Өмнөд Солонгосын HEO Seulmi-ийг ялсан. “В” хэсгийн аваргын төлөөх барилдаанд Хорватын Nina SIMIC-ийг ялж, шигшээ дөрөвт шалгарч үлдсэн. Хагас шигшээ барилдаанд Польшийн Lubjana PIOVESANA-г ялсан. Одоо их дуулгын аваргын алтан медалийн төлөө Францын тамирчин Melkia AUCHECORNE-г ялж их дуулгын алтан медалийг хүртэв.

Харин эрэгтэйчүүдийн 73 кг-ын жинд ОУХМ Б.Эрдэнэбаяр мөнгөн медаль хүртлээ. Тэрбээр “D” хэсгийг тэргүүлэн нэгдүгээр тойрогт гоц мөргөн ялалт авсан. Хоёрдугаар тойрогт Тажикийн Voris NAZAROV-ыг ялсан. “D” хэсгийн аваргын төлөөх барилдаанд Францын Benjamin AXUS-ыг буулган авч шөвгийн дөрөвт үлдсэн. Хагас шигшээ барилдаанд Тажикийн Behruzi KHOJAZODA-г ялж, их дуулгын аваргын алтан медалийн төлөө Тажикийн залуу тамирчин Muhiddin ASADULLOEV-той барилдаж, мөнгөн медаль хүртлээ.

Б.Ганхайч “Душанбе-2025” гранд сламаас алт, Б.Эрдэнэбаяр мөнгөн медаль хүртлээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид