Дархан-Уул аймгийн Засаг даргын санаачилга, нийтийн биеийн тамирыг хөгжүүлэх зорилтын хүрээнд төрийн байгууллагуудын дунд “АЛХАЛТ-10000” нэг сарын аяныг тавдугаар сарын 1-ний өдрөөс зарлаж байна. Бүх шатны төрийн байгууллагын албан хаагчид тавдугаар сарын 2-ны өглөөний 7:00 цагт “Миний Монгол цэцэрлэгт хүрээлэн”-ийн хөл бөмбөгийн талбайд бие халаах өглөөний дасгал, шугаман бүжиг хийж аюулгүйн тойргоор тойрч алхан аяныг эхлүүллээ. Аяны хүрээнд нэг сарын хугацаанд төрийн байгууллагуудын албан хаагчид долоо хоногийн нэг өдөр бүх нийтээр алхах юм. Үүнд төрийн хувийн хэвшил, иргэд, хүн бүр нэгдэх боломжтой.