Нийслэлийн Засаг даргын нэрэмжит "Улаанбаатар лиг" ерөнхий боловсролын сургуулиудын сурагчдын дундах волейболын тэмцээн Буянт-Ухаа спорт цогцолборт үргэлжилж байна. "Улаанбаатар лиг"-ийн “Ялалтын цом” тэмцээнийг ОХУ-ын Бүгд найрамдах Буриад улстай хамтран зохион байгуулж байгаа юм.

       Буриадын Засгийн газар 10 сая төгрөг бүхий шагналын санг бий болгоход бэлэн байгаагаа Засгийн газрын тэргүүн Алексей Цыденовын Монгол Улсад хийсэн айлчлалын үеэр мэдэгдэж билээ. "Ялалтын цом" тэмцээнд Буриадаас сурагчдын шигшээ баг оролцож байна.