Йордан Улсын Амман хотод дөрөвдүгээр сарын 18-30-ны өдрүүдэд сонирхогчдын боксын өсвөр үеийн “U15”, “U17” хүртэлх насныхны Ази тивийн аварга шалгаруулах тэмцээн болж өндөрлөв. Ази тивийн аварга шалгаруулах тэмцээнд дэлхийн боксын холбооны гурван одтой шүүгч, ОУХМ Б.Атарбаяр “Шилдэг шүүгч”-ээр шалгарсан байна.

    Энэ удаагийн Азийн аваргад 18 орны нийт 405 тамирчин оролцлоо. Хөвгүүд 250, охид 155 өрсөлджээ. Тэмцээнд манай улсаас дасгалжуулагч Р.Жоланман, Ж.Баяр-Отгоны удирдлага дор долоон ширэн бээлийтэн тулалдаж нэг мөнгө, хоёр хүрэл медаль хүртсэн байна. Азийн аваргын “U17” насны охидын 46 кг-ын жинд А.Алтанзул мөнгө, “U17” насны хөвгүүдийн 75 кг-д Т.Даваажав, “U15” насны хөвгүүдийн 40 кг-д Н.Ахмейтхан хүрэл медаль хүртжээ.