Сар шинийн барилдаан болох шийдвэр гарсантай холбогдуулан тус барилдаанд зодоглох улсын цолтой бөхчүүдийг энэ сарын 2-ны өдөр  буюу өнөөдөр 10:00-17:00 цагийн хооронд, маргааш 10:00-15:00 цагийн хооронд цахимаар бүртгэхээр болжээ. Харин аймаг, сумын цолтнуудыг 2020 оны нэгдүгээр сараас хойших бүх барилдаанд оролцсон идэвх, чансаагаар бүртгэх юм байна. Тиймээс өнөөдрөөс цахимаар хүсэлтээ ирүүлсэн тохиолдолд чансааг харгалзан үзэж, маргааш цахимаар хариу өгөх аж.

Мөн тус барилдааныг зохион байгуулах Монголын үндэсний бөхийн холбооны ажилчид болон барилдах бөхчүүдийг шинжилгээнд хамруулж, энэ сарын 10-ны 17:00 цагаас заасан зочид буудлуудад тусгаарлана. Ингээд энэ сарын 11 буюу битүүний өдрийн 15:00 цагаас Сар шинийн баярт зориулсан бөхийн барилдааныг телевиз болон цахимаар олон нийтэд хүргэх аж.