Дархан-Уул аймгийн БТСГ-ын дарга А.Амараа гэгч Дарханы хүндийн өргөлтийн спортыг  хичээллэх, байр, танхимгүй болгон гудамжинд гаргаад байгаа билээ. Дархан-Уул аймгийн Засаг дарга Б.Азжаргал “ Дархан-Уул аймаг хүүхдийн спортыг гудамжинд гаргах дээрээ тулаагүй. Биеийн тамир спортын газрын байранд өрөө гарган засварлаж энэ сардаа багтаан хүндийг өргөлтийн холбооны тамирчдыг оруулж, бэлтгэл хийх боломжийг нь хангаж өг” хэмээн үүрэг даалгавар өгөөд байна.

      Монголын олимпын төрлийн спортын “Топ-4”-ийн нэгэнд зүй ёсоор ордог хүндийн өргөлтийн спорт нь Дарханы БТСГ-ын албан ёсны төрөл биш гэнэ. Тийм болохоор хүндийн өргөлтийн дасгалжуулагч нь БТСГ-аас цалинждаггүй, хувийн сонирхлын дагуу хүндийн өргөлтийн секц, дугуйлан  ажиллуулж байгаа болохоор заал, танхимаар хангах үүргийг БТСГ хүлээхгүй. Тус байгууллагад хүндийн өргөлтийн спортын асуудал ямарч хамааралгүй хэмээн мэдэгдэж байна.