• Өнөөдөр 2025-04-16

Засмал замын дугуйн улирлын нээлтийн тэмцээн боллоо

2025-04-16,   156

      Монголын дугуйн холбооноос 2025 оны засмал замын дугуйн улирлын нээлтийн тэмцээнийг өнгөрөгч долоо хоногт Улаанбаатар хотын Үндэсний цэцэрлэгт хүрээлэнгийн тойрог замд амжилттай зохион байгуулжээ. Тэмцээнд 22 байгууллагын 130 гаруй тамирчин оролцож, нээлтийн тэмцээний аваргуудыг тодрууллаа. Энэ удаагийн тэмцээн нь анх удаа цагийн системийг нэвтрүүлж, тамирчин тус бүр мэдрэгч чиптэй оролцсоноороо онцлог болсон байна. Энэхүү системийг нэвтрүүлж чадсанаар тамирчдын мэдээлэл шуурхай гарч, тэрүүлэгч тамирчин дээр таамаг дэвшүүлсэн зэрэг олон давуу талууд гарчээ. 

     Монголын дугуйн холбооноос тойргийн уралдааныг олон зохион байгуулж, тамирчдын ур чадварыг дээшлүүлэх, дугуй сонирхогч, хөгжөөн дэмжигчдийг нэгдүүлэх зорилго тавин ажиллаж эхэлжээ. Тэмцээний 15-16 насны охидын ангилалд Ү.Нандин-Эрдэнэ түрүүлсэн бол сонирхогчийн 19-29 насанд “Улаанбаатар нийгэмлэг”-ийн Н.Наранжаргал, Г.Янжинлхам, А.Баярцэцэг нар эхний гурван байрт оржээ.

    10 тойрог 34 км зайн элит уралдааны эмэгтэйчүүдийн гараанд Ц.Солонго түрүүлсэн бол Г.Энхжин, Э.Энхмаа нар мөнгө, хүрэл медалийг хүртсэн байна. Сонирхогчийн 30-39 настай эрэгтэй гараанд Х.Батчөдөр 11 тамирчныг тэрүүлсэн бол 15-16 насны хөвгүүдийн ангилалд Төв аймгийн тамирчин М.Баясгалан аваргын алтан медалийг хүртжээ.

 


Засмал замын дугуйн улирлын нээлтийн тэмцээн боллоо
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.