Манай улсад “Nomadic Fighting Championship” тулааны спортын дөрвөн төрөлт холбооны ММА, кикбокс, муай тай, сабмишн грапплинг гэсэн дөрвөн төрлийн тулааны тэмцээн энэ сарын 27-ны өдөр “M Bank Arena”-д болно.  Тус тэмцээнд нийт есөн тулаан явагдах бөгөөд олон улсын жишгээр зохион байгуулагдах анхны тэмцээн юм.

     “NFC” холбооны аваргын бүсний төлөөх оргил тулаанд Монгол Улсын тамирчин холимог тулаанч М.Нандин-Эрдэнэ, Тайланд Улсын тамирчин TANAVIT LIKIT –тэй кикбоксын төрлөөр тулалдана. Монгол тамирчдын эсрэг гадны чансаа өндөр тамирчид ирж өрсөлдөж, олон улсын шүүгчид ирж шүүх юм.