Монгол Улсын ууган үйлдвэр “СҮҮ” хувьцаат компани тогтвортой хөгжлийн хүрээнд хэрэгжүүлж буй “СҮҮ 365” нэрэмжит өсвөрийн шатарчдын тэмцээнийг гурав дахь жилдээ амжилттай зохион байгуулж байна. Энэ жилийн хувьд хөдөө орон нутаг, нийслэл Улаанбаатар хотоос 5-18 насны, шатрын спортоор хичээллэгч нийт 600 гаруй хүүхдийг хамарсан өргөн цар хүрээтэй тэмцээн болж байна. Энэхүү тэмцээн нь хүүхдийн сэтгэн бодох чадвар, анхаарал төвлөрөл, стратеги төлөвлөлтийг хөгжүүлэхэд шатрын спортоор дамжуулан оюуны хөгжилд бодит хувь нэмэр оруулах, шатрын спортыг хүүхэд багачуудын дунд түгээн дэлгэрүүлэх, тэдний чөлөөт цагаа зөв боловсон өнгөрүүлэх нөхцөлийг бүрдүүлэх зорилготой юм.