Хан-Уул дүүрэг үүсэн байгуулагдсаны 60 жилийн ойн хүрээнд “Мөрөөдлийн гоол 2024- 2025” дүүргийн аварга шалгаруулах хөл бөмбөгийн тэмцээнийг дүүргийн ерөнхий боловсролын сургуулиудын дунд “U10”, “U12”, “U14”, “U16” насны ангилалаар энэ сарын 7-9-ний өдрүүдэд МХБХ-ны “Шинэ-Яармаг” хөл бөмбөгийн талбайд амжилттай зохион байгууллаа.

     Тэмцээнд 40 багийн 700 гаруй тамирчин оролцсоноос охидын “U10” насны ангилалд тэргүүн байрт: С.Энхжаргал дасгалжуулагчтай 26-р сургууль, хоёрдугаар байрт Н.Батмөнх дасгалжуулагчтай 135-р сургууль, гуравдугаар байрт А.Хулан дасгалжуулагчтай 10-р сургууль оржээ.

     Харин хөвгүүдийн “U10” насны ангиллын тэргүүн байрт Б.Сарангарав дасгалжуулагчтай 163-р сургууль, хоёрдугаар байрт:Д.Амармэнд дасгалжуулагчтай “Хобби” сургууль, гуравдугаар байрт Л.Биндэрьяа дасгалжуулагчтай 10-р сургуулийн баг тус тус шалгарлаа.