Байгаль орчин, уур амьсгалын өөрчлөлтийн яамнаас цөлжилт, уур амьсгалын өөрчлөлттэй тэмцэх үйл ажиллагааг хэрэгжүүлж 2025 оныг “Хөв, цөөрөм байгуулах жил” болгон зарлан ажиллаж байна. Тус яам Монголын үндэсний бөхийн холбоотой хамтран “Нэг сум-нэг цөөрөм” аяныг хэрэгжүүлж ажиллахаар болжээ.

     “Хамтран ажиллах санамж бичиг”-ийг байгуулан Монголын үндэсний бөхийн холбоог “Усны Элч” байгууллагаар зарласан. Энэхүү “Нэг сум - Нэг цөөрөм” аяны хүрээнд бөхчүүд саналыг гаргасан байна.

    Ирсэн саналыг Цаг уур өөрчлөлтийн яам болон Усны газарт хүргүүлэх бөгөөд мэргэжлийн байгууллагаас судалгааг хийн тухайн суманд 2025-2026 онд Хөв цөөрөм байгуулах боломжтой эсэх талаарх хариуг Монголын үндэсний бөхийн холбоонд өгч ажиллана.