Жүдо бөхийн 2016 оны улсын аварга, Олон улсын жүдо бөхийн холбоо “IJF”-ийн цуврал “Гаагийн гран при”-гийн 2016 оны аварга, ОУХМ Наранхүүгийн Хадбаатар Булган аймгийн Гурванбулаг суманд 1993 оны энэ өдөр мэндэлжээ. Тэрбээр самбо бөхийн УАШТ-ий дөрвөн алт, нэг мөнгөн медальтай, ДАШТ-ий хүрэл медальтай тамирчин юм.

      Самбо бөхөөр Монгол Улсын аварга шалгаруулах тэмцээнд дөрвөн удаа түрүүлж, нэг удаа мөнгөн медаль хүртсэн. Самбо бөхийн дэлхийн аваргын хүрэл медальтай. Дэлхийн тулааны наадмын алт, Харлампаевын  дэлхийн цомын тэмцээний мөнгө,  Беларусийн ерөнхийлөгчийн цомын алтан медальтай. Мөн “Мазаалай” ерөнхийлөгчийн цомын тэмцээнээс мөнгөн медаль, Өмнөд Солонгосын “Кореа Oпен” тэмцээнээс алтан медаль, дэлхийн спортын наадмаас мөнгөн медаль хүртсэн амжилтыг үзүүлээд байгаа билээ.