Хойд Солонгос буюу БНАСАУ-ын нийслэл Пёньян хотод болсон олон улсын марафон гүйлтийн тэмцээн өндөрлөв. Тус 31 дэх удаагийн “Пёньян Олон улсын марафоны аварга шалгаруулах” тэмцээнд 46 улсын 200 гаруй тамирчин оролцсон байна. Тэмцээний 42.195 км зайн уралдаанд эрэгтэйчүүдээс Пак Гим Дун, эмэгтэйчүүдээс Жон Сү Гён нар түрүүлжээ. Мөн хагас марафон буюу 21.097 км зайн уралдааны алт, мөнгө, хүрэл медальт байрт Хойд Солонгосын тамирчид шалгарчээ.