Хойд Солонгос буюу БНАСАУ олон улсын марафон гүйлтийн тэмцээнийг зургаан жил завсарласны эцэст зохион байгуулахаар болжээ. Тус олон улсын марафон гүйлтийн тэмцээнийг Ким Ир Сений нэрэмжит гэсэн тодотголтой зохион байгуулагддаг бөгөөд энэ удаагийнх 31 дэх нь удаагийнх нь юм байна.

    Умард Солонгосын нийслэлд сүүлийн зургаан жилийн хугацаанд анх удаа болох гэж буй олон улсын марафон гүйлтийн тэмцээнд оролцохоор дэлхийн олон орны сонирхогч тамирчид пүрэв гарагт Бээжингээс Пёньяныг зорьжээ. Марафон гүйлтийн тэмцээний албан ёсны түнш болох Бээжинд төвтэй “Koryo Tours” аялал жуулчлалын агентлагийн мэдээлснээр, ням гарагт болох тэмцээнд Их Британи, Герман, Канад, Хятад, Иран зэрэг 45 улсын гүйгчид оролцохоор бүртгүүлсэн байна. Харин Японы иргэд бүртгүүлээгүй ажээ.

    2014 оноос эхлэн сонирхогч гүйгчдэд нээлттэй болсон тус марафон гүйлтий тэмцээн нь бүтэн буюу 42.195 км-ийн марафон, хагас марафон, 10 болон 5 км-ийн гүйлт гэсэн төрлүүдээр явагдана гэж “Koryo Tours” мэдээлжээ. Энэ тэмцээн хамгийн сүүлд 2019 онд буюу Умард Солонгос “COVID-19” цар тахлын улмаас 2020 оны эхээр хилээ хаахаас өмнө болж байсан юм. Түүнээс өмнө жил бүр зохион байгуулдаг байв.