Нийслэлийн ерөнхий боловсролын 52-р сургууль, “Эрдмийн-Ундраа”, 35-р сургууль, “Эрдмийн хөтөч”, 67-р сургуулиуд болон Төв, Архангай, Дорноговь, Хөвсгөл аймгийн ЕБС, БТСГ, Олимпын зөвлөл, спортын салбар холбоодын төлөөлөл ОХУ-д зорьсон билээ. Тэд ОХУ-ын Эрхүү мужийн Шелехов, Усолье Сибирск, Эрхүү хотуудад туршлага судлах, мэргэжил дээшлүүлэх арга хэмжээнүүдэд оролцож байна. Тус арга хэмжээнд оролцогч төлөөлөгчид Эрхүү мужийн Шелехов хотын “ Юность” спортын сургууль болон халз тулааны төрлүүдийн төвийн үйл ажиллагаатай танилцаж, багш, дасгалжуулагч нартай харилцан туршлага солилцож, илтгэлүүд тавин хэлэлцүүллээ.