Иогийн спортын дэлхийн аварга шалгаруулах тэмцээн Малайз Улсад энэ сарын 6-ны өдөр эхэлсэн.  Тус “WYSC” 16 дахь удаагийн ДАШТ-ий өсвөр үеийн ангилалд өрсөлдөсөн Э.Ижилтогтох IV байр, М.Мишээл V байрт тус тус шалгарсан амжилтыг одоогоор үзүүлээд байна. ДАШТ-д Монголын мэргэжлийн иогийн спортын холбооны олон улсын шүүгч, дасгалжуулагч М.Ялгуун шүүгчээр ажиллаж байгаа. Монгол Улсын иогийн тамирчид 2018 оноос хойш дөрөв дэх удаагаа иогийн ДАШТ-д өрсөлдөж байгаа бөгөөд ирээдүйд иогийн спортыг олимпын төрөлд багтаах үйлсэд өөрсдийн хүч хөдөлмөр, хичээл зүтгэл, хувь нэмэр оруулж байна.