Монголын иогчдын холбооны удирдлагууд Энэтхэг Улсаас Монгол Улсад суугаа Элчин сайдтай албан уулзалт хийлээ. 2025 оны дөрөвдүгээр сарын 3-нд Монголын иогчдын холбооны удирдах зөвлөлийн гишүүд Монгол Улсад суугаа Энэтхэг Улсын Элчин сайд Атул Малхари Готсурве болон Элчин сайдын яамны төлөөлөлтэй албан уулзалт хийлээ.

    Уулзалтын үеэр 2025 оны тавдугаар сарын 24-25-ны өдөр зохион байгуулагдах “Монголын иогийн  тав дахь удаагийн Фестиваль”, мөн  зургадугаар сарын 21-ний өдөр тэмдэглэгдэх “Олон улсын иогийн өдөр”-ийг Монгол Улсад өргөн хүрээнд зохион байгуулахтай холбоотой хамтын ажиллагаа, зохион байгуулалтын асуудлуудыг хэлэлцлээ.