Монголын хүүхдийн спортын VIII наадмын чөлөөт болон сонгомол бөхийн төрөл 2025 оны зургадугаар сарын 3-4-ний өдрүүдэд зохиогдоно. Монголын чөлөөт бөхийн холбооны ерөнхийлөгч Я.Содбаатар, дэд ерөнхийлөгч Б.Болд нарын санаачлагаар Грек-Ром бөхийг хөгжүүлэх зорилгоор Монголын чөлөөт бөхийн холбооны салбар Монголын Грек-Ром бөхийн холбоо байгуулагдан ажиллаж байна.

    Мөн төрийн дэмжлэгээр Монголын хүүхдийн спортын зуны VIII наадмын үндсэн төрөлд Грек-Ром (сонгомол бөх) бөхийн төрөл батлагдаж, наадмын шигшээ тэмцээнд гурван  жингээр зохиогдохоор болсон байна. Хүүхдийн наадмын чөлөөт бөхийн төрөлд шигшээ тэмцээнд шалгарсан тамирчид Грек-Ром бөхийн төрөлд оролцох боломжгүй юм.

     Иймд аймаг дүүргийн спортын газар, хороод, багш дасгалжуулагчид олимпын ууган төрлийн нэг Грек-Ром бөхийн төрлөөр Монголын хүүхдийн наадмын шигшээ тэмцээнд 65, 71, 110 кг-ийн жингүүдэд баг тамирчдаа бэлтгэн идэвхтэй оролцуулж, ирээдүйн шилдэг тамирчдын замналыг эхлүүлэхийг уриалж байна.