Монголын үндэсний бөхийн холбооноос дөрөвдүгээр сард зохион байгуулах бөхийн барилдааны хуваарийг гаргасан байна.

• Дөрөвдүгээр сарын 5-ны бямба гарагт сумын цолтон болон залуу бөхчүүдийн ээлжит барилдаан болно.

• Ням гараг буюу дөрөвдүгээр сарын 6-ны өдөр Сүхбаатар аймгийн Онгон сумын 100 жил, улсын өсөх идэр харцага Дахын Одсүрэнгийн нэрэмжит улс аймгийн цолтой 128 бөхийн барилдааныг зохион байгуулна.

•    Монгол улсын Ерөнхий сайд, Улсын хошой баатар, Маршал Х.Чойбалсангийн нэрэмжит улс аймгийн цолтой 128 бөхийн барилдааныг дөрөвдүгээр сарын 12-ны бямба гараг явуулна.

•  “Хамбын бор”, “Урт гарт” хэмээх Монгол Улсын хүчит арслан Маамын Лхагвын нэрэмжит улс, аймаг, сумын цолтой хүчит 256 бөхийн барилдааныг дөрөвдүгээр сарын 19-ний бямба гарагт хийнэ.

•    Улаанбаатар хотын аварга шалгаруулах чансаа өндөр бөхчүүдийн 3х3 халз барилдааныг дөрөвдүгээр сарын 20-ны ням гарагт зохион байгуулах юм.

• Завхан аймгийн Баянтэс сумын шинэ Спорт заалны нээлтийн барилдаан дөрөвдүгээр сарын 21-ний даваа гарагт болно.

• Нийслэлийн МАН-ын нэрэмжит улсын аварга цолны хүндэтгэл улс, аймаг, цэргийн цолтой хүчит 128 бөхийн барилдаан дөрөвдүгээр сарын 26-ны бямба гарагт болох юм.

• Харин дөрөвдүгээр сарын 27-ны ням гарагт Улаанбаатар хотын аварга шалгаруулах чансаа өндөр бөхчүүдийн 3х3 халз барилдаан тус тус зохион байгуулагдана.