Завхан аймаг Дөрвөлжин сумын харьяат Монголын самбо бөхийн хөнгөн жингийн  шилдэг тамирчны нэг, самбо бөхийн дэлхийн аварга,  Монгол Улсын гавьяат тамирчин Очирбатын Цогтгэрэл энэ өдөр мэндэлжээ. Тэрбээр 1993 онд самбо бөхийн дэлхийн аварга шалгаруулах тэмцээнээс алтан медаль хүртсэн.  Харин 1988, 1990, 1994 онд ДАШТ-ээс хүрэл медаль хүртэж байлаа.

     1988 онд залуучуудын дэлхийн аварга болсон.1993 онд Ази тивийн аварга, 1992 онд Ази тивийн аваргаас хүрэл медаль хүртэж байв. Самбо бөхийн олон улсын тэмцээний алт, мөнгө, хүрэл медальт хүртэж байсан. Самбо бөхийн улсын аваргад 1988, 1989, 1990, 1993, 1996 онд УАШТ-д таван удаа түрүүлсэн. 1987 он, 1992 оны Монголын бүх ард түмний их наадмаас мөнгө, 1991 онд хүрэл медаль авч байлаа.