Хэнтий аймгийн Хэрлэн сумын Өлзийт тосгонд 1996 оны энэ өдөр чөлөөт бөхийн ОУХМ Цогт-Очирын Намуунцэцэг мэндэлжээ.  Намуунаа багадаа ер нь эршүүд талдаа охин байсан гэдэг. Жаахан дуу цөөтэй, даруухан хүүхэд байжээ. Спортын дунд сургуульд ороод л чөлөөт бөхөөр 2008 оноос  эхлэн хичээллэсэн байна. Харин 2010 оноос хойш Монгол Улсын гавьяат дасгалжуулагч Цэндийн Баярсайхан багштайгаа ажиллаж байгаа.

     “Хасу-Мегастарс” клубийн тамирчин, ОУХМ Цогт-Очирын Намуунцэцэг “Бухарест-2018” чөлөөт бөхийн “U23” хүртэлх насны ДАШТ-ий хүрэл, өсвөр үеийн ДАШТ-ий мөнгө, Азийн аваргын мөнгө, хүрэл медальтай. Насанд хүрэгчдийн УАШТ-ий алт, мөнгө, хүрэл медальтай. Тэрбээр Иван Ярыгиний “Алтан Гран при” тэмцээний алт, “Байгаль open”, Болат Турлыхановын тэмцээний алт, Монгол Улсын гурван удаагийн аварга , “Токио-2020” олимпын наадмын  тавдугаар байрт шалгарч байсан тамирчин билээ.