Чөлөөт бөхийн Ази тивийн аварга шалгаруулах тэмцээнээс Монголын багийн ес дэх медалийг ОУХМ, улсын шинэхэн аварга, залуучуудын Азийн хошой аварга Наадамбатын Батбилгүүн авчирлаа. Тэрбээр 86 кг-ын хүрэл медалийн төлөөх барилдаанд Хятадын бөх, “U-23” насны Азийн аварга Гао Наныг даралтаар цэвэр ялсан юм. Тус барилдаанд манай бөх 2:0-ээр хожигдож яваад оноог тэнцүүлж, залгуулаад цэвэр дарсан юм.