Чөлөөт бөхийн 2025 оны Азийн аварга шалгаруулах тэмцээний сүүлийн өдөр эрэгтэйчүүдийн 61 кг-ын жинд ДАШТ-ий хүрэл медальт, ОУХМ Т.Түвшинтулга, 74 кг-д Б.Батбаяр, 86 кг-д Н.Батбилгүүн, 92 кг-д Б.Бат-Эрдэнэ, 125 кг-д МУГТ М.Лхагвагэрэл нар барилдана.

     Манай бөхчүүдийн салхийг хагалж 86 кг-ын жинд Н.Батбилгүүн дэвжээнд гарлаа. Улсын шинэхэн аварга Н.Батбилгүүн эхний давааны учраа Тажикистаны Салимжони Халимзодаг 4:2-оор ялж, шөвгийн наймд шалгараад байна. Одоо манай бөх дунд шөвөгт Казахстаны бөх, 2023 оны Ази тивийн аварга Болат Сакаевтай барилдах болно.

    Харин 61 кг-д зодоглож буй ДАШТ-ий хүрэл медальт, Азийн аваргын хошой хүрэл медальт ОУХМ Т.Түвшинтулга эхний тойрогт Узбекистаны бөх, “U-23” насны Азийн аваргын мөнгөн медальт Бехрузбе Туранмуратовыг мөн 4:2-оор хожиж, шөвгийн нйамд шалгараад байна. Одоо тэрбээр залуучуудын ДАШТ-ий хошой хүрэл медальт Ираны Ахмад Масоуд Мохаммаднежаджавантай барилдах юм.