Ази тивийн аваргын дэвжээнд өнөөдөр барилдаж буй Монголын таван бөх бүгд шөвгийн наймд шалгараад байна. ДАШТ-ий хүрэл медальт, “Алдар” спорт хорооны тамирчин ОУХМ ЦэвээнсүрэнгийнЦогбадрах 65 кг-ын жингийн эхний тойрогт Хойд Солонгос буюу БНАСАУ-ын бөх, Азийн наадмын хүрэл медальт Ким Кван Жинг ялж, шөвгийн 8-д шалгарсан. Барилдаан тун тэнцүүхэн өрнөж, үндсэн цаг 2:2-оор тэнцэж дууссан бөгөөд манай бөх сүүлийн оноо авсан үзүүлэлтээр ялагч болсон юм.

      Түүнчлэн 97 кг-ын жинд “Алдар” спорт хорооны тамирчин ОУХМ Ганбаатарын Ганхуяаг эхний тойрогт Узбекистаны бөх, Азийн аваргын хүрэл медальт Махсуд Весалог хүнд барилдааны эцэст 3:1-ээр хожлоо.  Одоо Г.Ганхуяг шөвгийн наймд Хятадын бөх, Азийн наадмын хүрэл, Азийн аваргын мөнгөн медальт Авусайман Хабилатай барилдах хуваарьтай байна.