Чөлөөт бөхийн Азийн аварга шалгаруулах тэмцээн дөрөв дэх өдрөө үргэлжилж байна.Өнөөдөр манай таван эмэгтэй бөх зодоглож байгаа. 57 кг-д ОУХМ Хүрэлхүүгийн Болортуяа эхний даваанд Вьетнамын Ти Хиен Дангийг даралтаар цэвэр яллаа. Х.Болортуяа тус барилдаанд 12:7-оор тэргүүлж яваад цэвэр дарсан юм. Одоо тэрбээр Японы бөх, Ази тивийн аварга, “U-23” насны дэлхийн аварга Сара Натамитай барилдах болно.