Чөлөөт бөхийн Ази тивийн аварга шалгаруулах тэмцээнээс Монголын багийн эхний медалийг эмэгтэйчүүдийн 50 кг-ын жинд зодоглосон, зэвсэгт хүчний “Алдар” спорт хорооны тамирчин ОУХМ Б.Мөнхнар авчирлаа.  Монгол Улсын 2025 оны шинэхэн аварга Б.Мөнхнар хүрэл медалийн төлөөх барилдаанд залуучуудын ДАШТ-ий мөнгөн медальт Казахстаны Светлана Анкичеваг 3:0-ээр буулгаж авав. Ингэснээр манай бөх тивийн аваргаас анхны медалиа авч байна. Монголын багийн медалийн салхийг Б.Мөнхнар хагалсан юм.