Азийн аваргын эмэгтэйчүүдийн 76 кг-ын жинд зодоглож буй ДАШТ-ий мөнгөн медальт Э.Даваанасан шөвгийн наймд Японы бөх, “U-20” насны Ази тивийн аварга, өсвөрийн ДАШТ-ий хүрэл медальт Нодока Ямамототой хүч сорив.Энэ барилдаанд оноо 2:2 болон тэнцэж, манай бөх сүүлийн оноо авсан үзүүлэлтээр илүүрхэж явсан ч цаг дуусахын өмнөхөн ардаа гарган хоёр оноо алдсанаар 4:2-оор харамсалтай ялагдлаа. Хэрэв Японы бөх хагас шигшээд Энэтхэгийн бөхийг ялан финалд шалгарвал Э.Даваанасан дагаж барилдах болно.