Хөнгөн атлетикийн ахмад мастеруудын “World Masters Athletics Indoor Championships-2025” тэмцээн АНУ-ын Флоридад энэ сарын 23-30-ны өдрүүдэд болж байна. Мастерсийн дэлхийн аварга, Монгол Улсын гавьяат тамирчин Цэрэнгийн Раднаа гуай алтан медаль хүртлээ. Тэрбээр 60 метр болон 800 метрт түрүүлж хошой алтан медалийн эзэн болов. Ц Раднаа гуай зургаан төрөлд хүч үзэх бөгөөд түүнийг 200 м, 400 м, 1500 м, гурвын харайлтын тэмцээнүүд хүлээж байна.