Эх орныхоо баруун-зүүн, өмнөд-хойд цэгт орших соёмбот баганыг Монгол Улсынхаа төв цэгтэй холбосон 5000 км замын гүйлтийг 99 хоногт гүйцэтгэхээр Монгол Улсын зэвсэгт хүчний 123 дугаар ангийн хөгжимчин, ахлах ахлагч Э.Даваажамц, зэвсэгт хүчний 234 дүгээр ангийн гүүрчин аврагч, дэд ахлагч Б.Буянхишиг нар бэлтгэлээ хангаж байна. 

      Ахлах ахлагч Э.Даваажамц, дэд ахлагч Б.Буянхишиг нар 2025 оны дөрөвдүгээр сарын 1-ний өдөр гараанаас гарч, 2025 оны долдугаар сарын 8-ны өдөр барианд орохоор төлөвлөж байгаа юм. 

       Хэт холын марафон гүйлтийг таван цэгт гүйцэтгэх цэргийн алба хаагчдыг гуравдугаар сарын 20-ны өдөр Монголын хэт холын марафоны холбооны удирдлагууд хүлээн авч уулзаж, амжилт хүсжээ.

     Монголын хэт холын марафоны холбооны удирдлагууд тэдэнд амжилт хүсэхийн сацуу “Lowa” брэндийн Монгол Улс дахь албан ёсны борлуулагчаас гүйлтийн явцад өмсөх гутал, бусад хэрэгслийг бэлэглэсэн байна.