Гүрж Улсын нийслэл Тбилис хотод жүдо бөхийн “Тбилис-2025” их дуулга тэмцээн өчигдөр эхэллээ. Тус их дуулга тэмцээний эмэгтэйчүүдийн 48 кг-ын жинд барилдсан  “Алдар” спорт хорооны тамирчин, ОУХМ Ганбаатарын Наранцэцэг  түрүүлж, алтан медаль хүртлээ.

      Тэрбээр 48 кг-ын жингийн “D” нэгдүгээр тойрогт гоц мөргөн ялалт авсан. Хоёрдугаар тойрогт Өмнөд Солонгосын HUH Mio-г яллаа. Хэсгийн аваргын төлөөх барилдаанд Испанийн Laura MARTINEZ ABELENDA-г ялж, “D” хэсгийн аварга болж, шөвгийн дөрөвт үлдсэн юм.

      Шөвгийн дөрөвт “Парис-2024” олимпын хүрэл медальт Францын тамирчин Shirine  BOUKLI-г ялж, финалдсан. Улмаар 48 кг-ын жингийн аваргын төлөөх барилдаанд Испанийн тамирчин Eva  PEREZ SOLER-ыг  ялж, “Тбилис-2025” их дуулгын аваргын алтан медалийг хүртлээ.