"Москва-1980" зуны олимпын XXII тоглолтын хүрэл медальт, самбо бөхийн дэлхийн аварга, Монгол Улсын гавьяат тамирчин, улсын начин, “Догшин хар” хэмээх Равдангийн .Даваадалай 1950 оны энэ өдөр Ховд аймгийн Дарви суманд мэндэлжээ.

      Манай жүдочдоос олимпын анхны хүрэл медалийг эх орондоо авчирсан тэрбээр 1981 онд Нидерландын Маастрихт хотод болсон ДАШТ-д шагналт тавдугаар байрт орсон юм. Өөрөөр хэлбэл Монголын жүдогийн түүхэнд дэлхийн аваргын медалийн төлөө барилдсан анхны жүдочин билээ. Р.Даваадалайгийн олимпын медаль хүртсэнийх нь арван жилийн ойгоор буюу 1990 онд түүнд Монгол Улсын гавьяат тамирчин цол олгож байжээ.