Засгийн газрын хэрэгжүүлэгч агентлаг БТСУХ-ны даргын тушаалаар Монголын хүүхдийн зуны спортын VIII наадмын ЗБХ-г байгуулж, нэгдсэн зааврыг баталжээ. Монголын хүүхдийн зуны спортын VIII наадмын хөтөлбөрт дуатлоны спорт анх удаа багтсан байна. Заавар ёсоор 2008-2010 онд төрсөн охид, хөвгүүд эхлээд 2.5 км гүйж, дараа нь 10 км уулын дугуйгаар уралдаад, төгсгөлд нь 1.25 км гүйж барианд орох билээ.

      Тус наадмын шигшээ тэмцээн 2025 оны тавдугаар сарын 26-наас зургадугаар сарын 5-ны хооронд Улаанбаатар хотноо явагдах юм. Энэхүү наадам БТС-ын тухай хуулийн дагуу, Монгол Улсын Засгийн газрын тогтоолоор хоёр жилд нэг удаа зохион байгуулагддаг юм. Зуны спортын төрлийг сурталчлах, өсвөр үеийнхний бие бялдрын боловсролыг дээшлүүлэх, тив, дэлхийд өрсөлдөх тамирчдын залгамж халааг бэлтгэж, ур чадварыг сайжруулах гол зорилготой.