Монголын чөлөөт бөхийн холбоо 60 гаруй жилийн түүхэндээ цөөнгүй ихрүүдийн төлөөлөлтэй байсан билээ. Тэдгээр ихрүүд ч тив дэлхийд нэрээ дуурсгасан мундаг тамирчид байлаа. Түүний төлөөлөл болсон нэгэн үеийн шилдэг тамирчид болох ОУХМ Үндэсний шигшээ багийн ахлах дасгалжуулагч Д.Гомбодорж, чөлөөт бөхийн ОУХМ Д.Түгждорж нар Монгол Улсын Ерөнхийлөгчийн зарлигаар "Алтан гадас одон"-гоор шагнууллаа.

      Д.Түгждорж элсний бөхийн Ази тивийн анхны аварга монгол тамирчин бөгөөд Буриадын ерөнхийлөгчийн нэрэмжит олон улсын тэмцээний мөнгөн медальт Монгол Улсын хошой аварга юм. Д.Гомбодорж нь Ази тивийн аварга шалгаруулах тэмцээний хүрэл, Азийн наадмын хүрэл, Монгол Улсын найман удаагийн аварга юм.