Сингапур Улсад сагсан бөмбөгийн 3х3-ын “Asian cup” Азийн цомын аварга шалгаруулах тэмцээн болох гэж байна. Тус Азийн цомын тэмцээн энэ сарын 26-30-ны өдрүүдэд болох юм. Монгол Улсын эмэгтэй шигшээ багийн бүрэлдэхүүнд О.Хулан, М.Булбул, Б.Ариунцэцэг, Э.Нарангоо нар тоглоно. Харин эрэгтэй шигшээ багийн бүрэлдэхүүнд Э.Дөлгөөн, Д.Дэлгэрням, А.Ананд, Ц.Отгонжаргал нар тоглохоор болжээ. Манай эрэгтэй баг Ази тивдээ чансаагаар тэргүүлж байгаа бол эмэгтэй баг чансаагаар хоёрдугаар эрэмбэлэгдэж байгаа.