Швед Улсын Стокгольм хотноо “ESL Pro League Stage-2” цахим спортын тэмцээн боллоо. Тус тэмцээний шөвгийн наймд манай улсын “The MongolZ” баг, дэлхийн аварга “Natus Vincere” багийг 2:0-ийн харьцаатай хожиж, хагас шигшээд шалгарлаа. Манай залуус эхний үед 13:6-аар, хоёр дахь үед мөн 13:6-аар хожсон юм. “The MongolZ” баг маань  өмнө нь “Natus Vincere” багтай хоёр удаа таарч тоглон хожигдож байсан бол энэ удаад ялж чадлаа. Хагас шигшээд манай баг “Team Vitality” багтай тоглоно.