Залуучуудын УАШТ-ий үеэр Дархан-Уул аймгаас төрөн гарсан жүдо бөхийн алдартнуудыг тус аймгийн БТСГ үүсэж хөгжсөний түүхт 60 жилийн ойн медалиар шагналаа. Монгол Улсын Хөдөлмөрийн баатар, дэлхийн аварга гавьяат тамирчин Х.Цагаанбаатар, гавьяат дасгалжуулагч П.Нямлхагва, жүдогийн шигшээ багийн дасгалжуулагч, ОУХМ Ч.Болдбаатар, “Монголын жүдо академи”-ийн ахлах дасгалжуулагч Г.Бат-Эрдэнэ, ОУХМ, олон улсын шүүгч Б.Түмэнцэцэг нарын шагналыг Дархан-Уул аймгийн БТСГ-ын дарга А.Амараа гардуулан өгсөн юм.