Жүдо бөхийн залуучуудын УАШТ-ий холимог багийн тэмцээний медальтнууд тодорлоо. Багийн 10 дахь удаагийн тэмцээнд 15 клуб өрсөлдсөнөөс “Монголын жүдо академи” -ийн баг түрүүлэв. Тус академийн жүдочид өсвөрийн ангилалд багаараа цөөнгүй медаль авсан ч залуучууд, насанд хүрэгчдээс хараахан медаль хүртэж чадаагүй явсан юм. Харин энэ жил анхны медаль, анхны алт медалиа өөрийн болгож байна. Тэд финалд “Хангарьд”-ыг 4:1-ээр буулгаж авсан. “Хангарьд”-ын хувьд гурван жил дараалан финалдсан бөгөөд 2023 онд түрүүлж, сүүлийн хоёр жил дараалан мөнгөн медаль хүртээд байна.

Холимог багийн тэмцээний медальтнууд:

“Монголын жүдо академи”-ийн баг алтан медаль.

“Хангарьд” спорт хороо мөнгөн медаль.

“Мон-Алтиус Цагаанбаатар академи” хүрэл медаль.

“Шинэ Бадрах” клуб хүрэл медаль тус тус хүртлээ.