Боксын “AIBA” холбооны эмэгтэйчүүдийн дэлхийн аварга шалгаруулах тэмцээний хоёр дахь өдрийн тулаанууд өндөрлөлөө. Монголын хоёр боксчин эхний өрсөлдөгчтөйгөө тулаан хийлээ.  ДАШТ-ий 54 кг-ын жинд  Оюун-Эрдэнэтэй тулалдах Саудын Арабын боксчин рингэнд гарч ирээгүй. Тийм болохоор манай боксчин ялалтыг авав.

       Харин 57 кг-ын жинд Ази тивийн аварга ОУХМ Т.Болортуул Хойд Солонгос буюу БНАСАУ-ын Ку Хианг Буктай тулалдаж 5:0-ээр ялагдал хүлээлээ. Манай тамирчин Т.Болортуул 38 настай. Тэрбээр залуухан өрсөлдөгчтөйгөө гал гарсан тулааныг хийж үзгчдийн талархлыг хүлээж чадсан.  Хойд Солонгосын боксчин чацтай, өндөр биетэй, мэдрэмжтэй боксчин байв.