Өвөр Монголын нэрт найруулагч Урагшаагийн найруулсан домогт туульсаас сэдэвлэн бүтээсэн “Фуншан-2” буюу “Сахиусаа өргөмжилсэн нь-2“ кино Хятадын үзэгчдийн анхаарлыг ихээр татаж байна. Тус киноны гол дүрийг Хятадын кино салбарт өөрийгөө таниулж чадсан Өвөр Монголын авьяаслаг залуу жүжигчин бүсгүй Нарнааш бүтээжээ.

     Тэрбээр баатарлаг эмэгтэй жанжин Дэн Чан И-гийн дүрийг гайхалтай амилуулж үзэгч олны хайрыг татах болсон байна. Нарнааш жүжиглэх ур чадвар, эрэмгий дайчин, гоо үзэсгэлэн дүр төрхөөрөө Хятадын залуусын хайр хүндэтгэлийг хүлээж, “Байлдан дагуулах” болов.

      “Нэг минутын үзүүлбэр, арван жилийн хөдөлмөр” гэсэн Хятад хэлц үг байдаг. Жүжигчин Нарнааш Дүн Чан И-гийн дүрийг бүтээхийн тулд найман жил морьт харваа, буудлага, тулааны спорт, акробат гимнастик, усан спорт зэргээр шаргуу, хөдөлмөрлөн бэлтгэл хийжээ. Олон жилийн хичээл зүтгэл, уйгагүй бэлтгэл сургуулилалтын үр дүнд тэрбээр баатарлаг эмэгтэй дүрийг амилуулан, үзэгчдийн сэтгэлд хоногшуулж чадсан байна.