Олон улсын боксын холбоо, “AIBA”-гийн 2025 оны эмэгтэйчүүдийн боксын дэлхийн аварга шалгаруулах тэмцээн Сербийн Ниш хотод гуравдугаар сарын 8-17-ны өдрүүдэд явагдаж өндөрлөнө. Энэ удаагийн дэлхийн аварга шалгаруулах тэмцээнд 52 орны 240 гаруй тамирчин 12 жинд өрсөлдөж байна. Харин шинээр байгуулагдсан Дэлхийн боксын холбооны энэ оны ДАШТ хаана зохион байгуулагдаж хуваарь одоогоор тодорхой болоогүй байгаа.

      Олон улсын боксын холбоо“AIBA”-гийн 2025 оны эмэгтэйчүүдийн боксын дэлхийн аварга шалгаруулах тэмцээнд Монгол Улсаас Монголын олон улсын боксын холбоог төлөөлж гавьяат дасгалжуулагч А.Гантулгаар удирдуулсан гурван боксчин 52, 54, 57 кг-ын жингүүдэд оролцож байгаа юм.  Эмэгтэйчүүдийн 57 кг-ын жинд хамгийн олон буюу 30 боксчин байгаагаас манай Ази тивийн аварга ОУХМ Т.Болортуул эхний даваанд  Хойд Солонгос буюу БНАСАУ-ын Ку-тай тулалдана.

       Эмэгтэйчүүдийн 54 кг-ын жинд 29 боксчин өрсөлдөж байгаагаас манай Н.Оюун-Эрдэнэ эхний даваандаа Саудын Арабын боксчинтой таарсан. Харин 52 кг-ын жинд 24 боксчин бий. Манай боксчин эхний тойрогт хийлж, гоц мөргөн ялалт авсан байгаа Хоёрдугаар тойрогт Танзанийн боксчинтой тулалдана. Хэрэв түүнийг ялах юм бол дараагийн тойрогт Турк, Хятад, Молдавын боксдын хэн ялсантай тулалдана.