Норвеги Улсын Тронхейм хотод цанын дэлхийн аварга шалгаруулах тэмцээн зохион байгуулагдаж байна.  Дэлхийн аварга шалгаруулах тэмцээний 10 км сонгомол зайн уралдаан гуравдугаар сарын 4-ний өдөр болох юм.   “А” зэрэглэл буюу дэлхийн шилдгүүдтэй өрсөлдөхөөр Монголын Цанын Үндэсний шигшээ багийн тамирчин ОУХМ Б.Ачбадрах, ОУХМ Э.Ариунтунгалаг шалгаран үлдсэн байна.  “А” зэрэглэлд “FIS points 150”-ааc дотогшоо оноотой тамирчид уралддаг бөгөөд  Б.Ачбадрах хувьд “FIS points 81.35” байгаа  “А” зэрэглэл, Э.Ариунтунгалаг хоёрдугаар сарын 26-ны өдрийн уралдаанд  “В” зэрэглэлийн 7.5 км сонгомол зайн уралдаанд 8-р байрт орж шилдэг 10-т шалгаран “А” зэрэглэлд уралдах эрхээ авсан.

    Харин хоёрдугаар сарын 27-ны өдрийн “А” зэрэглэлд 1.4 км ойрын зайн уралдаанд Монгол Улсын Үндэсний шигшээ багийн гурван эрэгтэй тамирчин маань хурд хүчээ сорин уралдсан. Нийт 182 тамирчин уралдсанаас.

ОУХМ Б.Ачбадрах- 3:01.19 95-р байр.

ОУХМ А.Хүслэн- 3:03.05 101-р байр.

ОУХМ О.Золбаяр - 3:11.89 122-р байр тус тус эзэлсэн.

       Тус гараанд чамгүй амжилт үзүүлэх тамирчин О.Золбаяр маань таяг хугарсан боловч тамирчин маань ганц таягтай замаа дуусгасан гэхэд маш сайн цагийн амжилттай барианд орсон. Мөн өдөр дэлхийн аварга шалгаруулах тэмцээний “А” зэрэглэл буюу 1.4 км ойрын зайн уралдаанд Монгол Улсын Үндэсний шигшээ багийн дөрвөн эмэгтэй тамирчин хурд хүчээ сорин уралдав. Нийт 121 тамирчин уралдсанаас

ОУХМ Т.Ариунболд- 3:30.01 65-р байр

ОУХМ Э.Ариунтунгалаг- 3:36.97 73-байр

ОУХМ Б.Номин-Эрдэнэ -3:42.66 86-р байр

ОУХМ А.Энхтуул - 3:44.73 90-р байр эзэлсэн байна.

      Дэлхийн аварга шалгаруулах тэмцээний “В” зэрэглэлд 7.5 км сонгомол зайн уралдаанд Монгол Улсын үндэсний шигшээ багийн хоёр эрэгтэй тамирчин маань хурд хүчээ сорин уралдлаа. Нийт 90 тамирчин уралдсанаас

ОУХМ О.Золбаяр- 22:14.2 12-р байр.

ОУХМ А.Хүслэн- 24:35.8 35-р байр тус тус эзэлсэн амжилтыг үзүүллээ.