Олон улсын шатрын холбооны 2024-2025 оны эмэгтэйчүүдийн “Гран при” тойргийн тэмцээний гуравдугаар цуврал Монакогийн Вант Улсын Монте-Карло хотноо хоёрдугаар сарын 17-28-ны өдрүүдэд зохион байгуулагдлаа. Тус тэмцээний 8-р өргийн дараах байдлаар Үндэсний шигшээ баг, “Алдар” спорт хорооны тамирчин, МУГТ, Олон улсын их мастер Б.Мөнгөнтуул хоёр хожил зургаан тэнцээ авсан үзүүлэлтээр таван оноотойгоор тэмцээнийг итгэл төгс тэргүүлсэн.

      Тэрбээр тэмцээний наймдугаар өрөгт Герман Улсын тамирчин, Их мастер Петц Элизабетийг хар өнгөөр тоглож буулгаж авснаар тэмцээнд Олон улсын шатрын холбооны далбаан дор тоглосон ОХУ-ын шатарчид болох Екатерина Лагно, Александра Горяачкина нарын хамтаар тэргүүлж байгаа юм.

      Өчигдөр орой ес дэх өргийн тоглолтоо хийв. Б.Мөнгөнтуул нийт есөн өргийн хоёрт нь хожиж, долоо тэнцэн 5.5 оноо цуглуулсан байна. Б.Мөнгөнтуул Энэтхэгийн Конеру Хумпи, Оросын Александра Горячкина нарын хамт тэргүүн байрыг эзэлсэн боловч чансааны коеффицентоор гуравдугаар байрт орж, оноо болон мөнгөн шагналыг хуваан авсан байна.  Гурван мастер тус бүр улирлын хүснэгтийн байртаа нэмэрлэх 106.67 оноо болон 13.833 еврог /48 сая төгрөг/ авсан юм. Энэ тэмцээний үеэр нэг ч хожигдоогүй цорын ганц шатарчин нь Б.Мөнгөнтуул байлаа.