Орхон аймагт "Элдэв Эрдэнэт" хэмээх модон могой жилийн сар шинийн баярын хүчин бөхийн барилдаанд улс, аймгийн цолтой 64 бөх зодоглосон байна. Булган аймгийн Хутаг-Өндөр сумын харьяат, жүдо бөхийн ОУХМ, улсын начин Х.Цогтгэрэл түрүүлж, Булган аймгийн Сайхан сумын харьяат “Алдар” спорт хороо “Булган хан” дэвжээний бөх аймгийн арслан Г.Ганбаатар үзүүрлэжээ.

     Шөвгийн дөрөвт Булган аймгийн Могод сумын харьяат “Аврагч” спорт хорооны бөх аймгийн хурц арслан Өрнөхбаярын Сүхбат, Төв аймгийн уугуул “Ачит Ихт” компанийн бөх аймгийн арслан Чулуунбаатарын Мөнхбат нар үлдсэн байна.

      Өсвөрийн 32 бөхийн барилдаанд Булган аймгийн Хангал сумын залуу бөх О.Мөнхболд түрүүлж, Орхон аймгийн Баян-Өндөр сумын "Хүчтэн" дэвжээний залуу бөх Э.Амгаланбаатар нар үзүүрлэжээ.