Дархан-Уул аймагт жүдо бөхийн 2025 оны залуучуудын улсын аварга шалгаруулах тэмцээн болно. Монгол Улсын гавьяат дасгалжуулагч Пүрэвдоржийн Нямлхагвын нэрэмжит залуучуудын УАШТ гуравдугаар сарын 13-14-ний өдрүүдэд Дархан хотын “Darkhan united arena”-д болох юм.

       Энэ удаагийн эрэгтэйчүүдийн 37 дахь, эмэгтэйчүүдийн 27 дахь, холимог багийн 10 дахь удаагийн залуучуудын УАШТ-д 2005 оны нэгдүгээр сарын 1-нээс 2007 оны арванхоёрдугаар сарын 31-ний хооронд төрсөн охид, хөвгүүд барилдана. Мөн 15, 16, 17 насны өсвөрийн тамирчид барилдаж болох юм.

      Эрэгтэйчүүдийн 60, 66, 73, 81, 90, -100, +100 кг, эмэгтэйчүүдийн 48, 52, 57, 63, 70, -78, +78 кг-ын жингийн ангилал, холимог багийн барилдаан эрэгтэйчүүдийн 73, -90, +90 кг, эмэгтэйчүүдийн 57, -70, +70 кг-ын жингийн ангиллаар явагдана.