Малайз Улсын Куала Лумпур хотноо  “60th MILO/MAS MALAYSIA AGE GROUP” тэмцээн зохион байгуулагдлаа. Энэхүү тэмцээн нь 2025 оны долдугаар сард Сингапур Улсад зохиогдох усанд сэлэлтийн дэлхийн аварга шалгаруулах тэмцээний эрх олгох өндөр чансаатай тэмцээн байв.

      Тус тэмцээнд Монгол Улсаа төлөөлөн зургаан тамирчин өрсөлдөж “Сэлэм Загас” клубийн тамирчин ОУХМ Э. Эрхэс 50 м-ийн араар даллах сэлэлтээр 25.79 цагийн амжилтыг үзүүлж дэлхийн аварга шалгаруулах тэмцээнд оролцох эрхээ авлаа. Э. Эрхэс нь дэлхийн аварга шалгаруулах тэмцээний эрхээ албан ёсоор авсан усанд сэлэлтийн анхны, хамгийн залуу тамирчин болж усан спортын түүхэнд бичигдлээ.