Олон улсын уулын холбоо (UIAA)-ны 2025 оны мөсөнд авиралтын дэлхийн цомын аварга шалгаруулах тэмцээний дөрөв дэх цуврал АНУ-ны Логнгмонто хотод үргэлжилж байна. Говь-Алтай аймгийн Тонхил сум дахь уулын спортын ууган мастер Я.Жанцангнийн нэрэмжит "Сутайн бор" клубийн тамирчин, "Улаанбаатар Дулаан сүлжээ" ТӨХК-ийн ажилтан ОУХМ Н.Хэрлэн эрэгтэй хурдны төрөлд түрүүлж алтан медалийн болзол хангалаа.

     Тэрбээр Дэлхийн цомын аварга шалгаруулах тэмцээний хошой аварга болсоны зэрэгцээ зургаан жилийн дараа Америк тивд эргэн ирж ийнхүү даагаа нэхлээ. Түүний төрсөн дүү ОУХМ Н.Сэлэнгэ эмэгтэй хурдны төрөлд мөн түрүүлсэн билээ. Ах, дүү аваргууд Монгол Улсын Төрийн дууллаа эгшиглүүлнэ.

     "Сутайн бор" клубээс АНУ-д дэлхийн цомын хос аваргууд мэндэлж байна. Монголын багийн тамирчин ОУХМ Ч.Мандахбаяр мөнгөн медаль, хүрэл медалийг АНУ-ын тамирчин Самуэл хүртэв. Харин спортын мастер О.Сайханжаргал шагналт VI байрт тус тус шалгарсан байна.