Катар Улсын нийслэл Доха хотод снукер биллиардын Ази тивийн аварга шалгаруулах тэмцээн хоёрдугаар сарын 15-22-ны өдрүүдэд болж байна. Манай улсаас ОУХМ Б.Нарантуяа өрсөлдлөө. Тус Азийн аваргад 15 улааны төрөлд өрсөлдсөн ОУХМ Б.Нарантуяа  Хонконгийн нэрт тамирчныг илүүрхэн ялснаар Ази тивийн аварга болж, снукер биллиардын анхны Ази тивийн аварга Монгол тамирчин болов. ОУХМ Б.Нарантуяа өмнө нь снукер биллиардын ДАШТ болон Ази тивийн аварга шалгаруулах тэмцээнээс хүрэл медаль хүртэж байв.