“UCI” буюу Олон улсын дугуйн холбоо өнөөдөр гишүүн улсуудын чансааг шинэчлэн гаргалаа. Чансааг Бельги тэргүүлж, Словен, Испани, Франц, Дани Улс удаалав. Өмнөх чансаатай харьцуулахад эхний таван байр өөрчлөгдөөгүй бол Недерланд, Австрали байраа тус бүр нэгээр ахиулан 6, 7 дугаарт бичигджээ.

    Харин Монголын дугуйн холбооны хувьд 1062.1 оноотой дэлхийн чансааны 39, тивдээ дөрөвдүгээрт эрэмбэлэгдэж байна. Манай улсын баг тамирчид саяхан өндөрлөсөн Азийн аварга шалгаруулах тэмцээнд амжилттай оролцсоныхоо ачаар Хятадын багийн өмнө бичигджээ.