Монгол Улсын сагсан бөмбөгийн шигшээ баг 2025  оны хоёрдугаар сарын 20-ны өдрийн 17:30 цагт “FIBA Asia Cup 2025 Qualifiers”-ийн урьдчилсан шатны шийдвэрлэх тоглолтоо Гуамын шигшээ багтай хийж 74:63-аар ялалт авсан.

      Монголын шигшээ багт АНУ-аас улсын арслан Д. Ганхуягийн хүү Г.Дөлгөөн (UT RIO GRANDE VALLEY) багаас, Олон улсын таэквондогийн Монголын холбооны мастер багш С.Чойжилсүрэнгийн хүү Ч.Маргад (FAIRFAX HIGH SCHOOL)-ийн багаас  ирж тоглон багийн ялалт авахад чухал нөлөө үзүүлжээ. С.Чойжилсүрэн мастер АНУ-ын Чикаго хотоос Гуам Улсад очиж, Монголын багийг болон хүү Ч.Маргадыгаа дэмжсэн байна. Харин МУГТ Шаравжамцын хүү Ш.Энхийн-Од  АНУ-ын (UTAH MENS BASKETBALL) багаас хараахан ирж амжаагүй ажээ.